Cabugao, Ilocos Sur – Naangay ti pannakai-turnover dagiti Gillnet kadagiti Asosasion ti mangngalap kadagiti barangay ti Sabang, Salapasap, Pug-os, ken Salomague, Cabugao, Ilocos Sur.
Indauluan ni Mayor Josh Edward S. Cobangbang ti nadakamat a turnover ken inimatangan dagiti Kameng ken Opisiales ti Pederasion ti mangngalap iti ili a Cabugao nga idauluan ni Presidente Magno Carbonel iti pannakaiyawat dagiti nadakamat a ramit-pagkalap kadagiti asosasion: Red Ants Fishermen Association ken Pug-os FA iti Brgy. Pug-os; Sabang Surfer FA ken Sabang Matatag FA iti Barangay Sabang; Salapasap FA iti Brgy. Salapasap ken iti Western Salomague Fishermen Vendor Association iti Barangay Salomague.
Nangipaay ti Mensahe ni Mayor Josh Edward S. Cobangbang. Kimmablaaw ken nagyaman. Kunana a maipamaysa koma ti pannakapadakkel ti puonan dagiti mangngalap tapno agprogreso daytoy a naited a proyekto. Dinakamatna ti agtultuloy a napintas a pannakitinnunos dagiti Asosasion iti LGU ken kadagiti maseknan nga Ahensia tapno insegida a maaksionan ken maited dagiti kalikagumda a mangngalap.
Nangipaay met ti mensahe da ABC President Thaddeus “Teddy” U. Soller ken ni Municipal Fisheries Coordinator Nereo S. Daproza. Anag ti mensaheda iti panangipateg ken panangpadakkel koma dagiti mangngalap kadagitoy a naited kadakuada a proyekto.
Pinagyamanan unay dagiti kameng ken Opisiales dagiti immawat nga Asosasion iti naited kadakuada nga usarenda ket inkumitda nga estimarenda tapno mapaut nga a pagsapulda iti mainayon a pagbiaganda.
Nakikaysa met ni Mr. Edgar S. Balangatan, Special Projects Coordinator iti nadakamat a turnover. # (Web In- Action)
No comments:
Post a Comment