Thursday, March 15, 2018

MOVING-UP CEREMONY TI CLUSTER 1 TI CABUGAO CHILD DEVELOPMENT CENTER, NAARAMID

Cabugao, Ilocos Sur – Naangay ti Moving-Up Ceremony ti Cabugao  Child Development Center, Cluster 1,  Batch 2018 iti Cabugao Cultural and Sports Complex, Brgy. Rizal, Cabugao, Ilocos Sur iti bigat ti  Marso 15, 2018.

Buklen ti Cluster 1  Child Development Center (CDC) ti Brgy. Baclig; Bonifacio; Dardarat;  Marga-ay;  Pila;  Pug-os;  Sagayaden ken Turod-Patac a naggapuan dagiti ubbing a nagturpos.


Iti programa, immuna  a naaramid ti Grand March  a buklen ti Guest Speaker, Staff ti MSWDO, Parents/Guardians ken dadduma a bisita iti nasao a Recognition Ceremony.

Naaramid  ti Invocation, pannakakanta ti Pambansang Awit ken ti Cabugao Hymn.  Nag-Words of Welcome ni  Ms. Mary Grace Saunil,  FDCSPG President.

Naisaganad ti Pinning of Ribbons kadagiti Graduates babaen kadagiti Nagannak/Guardians. 

Naisaruno ti Awarding of Medals to the Outstanding Graduates iti CDWCs  babaen kadagiti Donors.

Simmaruno ti Awarding of Gold Medals to the “Most Outstanding Graduates” ket imbagian ni Social Welfare Assistant Leonora G. Reintar ni Mayor Josh Edward S. Cobangbang a nagiyawat ti Medalia kadagiti napadayawan.

Nai-Award dagiti Gold Medals kadagiti A-1 Children.  

Introduction of the Guest Speaker ti inaramid ni Ms. Marilou Sumibcay.


Nagpaay a Guest Speaker ni Ms. Khaie Joana Shylac Sorinio-Serna, RM, RN, HAAD-RN. Anag ti Mensahe  ni  Ms. Serna iti agtultuloy koma ti maited nga ayat ken panangsursuro kadagiti ubbing tapno maasa dagiti kabaelanda ket agbalinda a mapangnamnamaan  iti pamilia ken iti pagilianda iti masakbayan.

Naaramid ti Awarding of Certificate of Appreciation and Giving of Token to the Guest of Honor and Speaker.
Kalpasan ti Presentation of  the Graduates, kinompirmar ni MSWD Officer Mrs. Lydia S. Gazmen ti panagturpos dagiti 163 ti bilangna nga ubbing iti Cluster 1 iti  dayta nga aldaw. 
Pinadayawan ni  Mrs. Gazmen  ti agtultuloy nga akem dagiti Nagannak/Guardians a kadua dagiti Day Care Workers a mangtartarabay kadagiti ubbing tapno maiturongda  iti napintas a masakbayan ti panagadalda. Innayon ni Mrs.  Gazmen a ti balligi ti ubing ket balligi met ti nagannak. Dinakamatna pay iti “commitment”  dagiti  Child Development Workers (CDWs)  nga agserbi iti napudno ken pinagyamananna ti suporta iti Barangay Council kadagiti barangay a naggapuan dagiti naggraduar.

Kalpasan ti Farewell Speech ti Day Care Pupil, naited dagiti Certificate dagiti ubbing a nagturpos ket indauluan ti Guest Speaker a binayabay  da MSWD Officer Mrs. Lydia S. Gazmen; Social Welfare Assistant  Mrs. Leonora G. Reintar iti nagiyawat kadagiti sertipiko kadagiti ubbing a naggraduar.

Naisaganad ti Graduation Song by the Graduates.

Closing Remarks ti binagi ni Mr. John Alvin Tabula, Turod-Patac CDW. Pinagyamananna iti amin a timmarabay kadaytoy a naindaklan nga aldaw a panagturpos dagiti Day Care Pupils  kadagiti barangay iti Munisipalidad.

Nagpaay nga Emcee da Mr. Ferico Arcebal, Jr.; Ms. Marilou Sumibcay ken ni  Mr.  Ronie C. Solar, agpapada a CDWs. # (Web In-Action)

No comments:

Post a Comment