Monday, March 12, 2018

FAMILY DEVELOPMENT SESSION (FDS) TI 4 Ps, AGTULTULOY

Cabugao, Ilocos Sur –  Iti pannakiuman ti Web In-Action, impakaammo  dagiti Staff ti  Opisina ti Municipal Operations  Office (MOO) ti 4 Ps Program, Municipal Link-Cabugao nga itultuloyda nga isaksaknap  ti pakabuklan ti programa ti   4 Ps iti  pagnaedan dagiti kameng kadagiti barangay ti Munisipalidad ti Cabugao ita a Marso 2018.  

Itatta a Marso 2018, ti Topiko a maiyadal ket napauluan iti  “Ligtas na Pilipinas ang Ating Hangad, Pag-iingat sa Sunog sa Sarili Ipatupad.”

Kabayatanna, makiko-koordinarda  latta kadagiti Opisiales ti Barangay/Parent Leaders  a katinnulongda  a mangorganisar iti Family Development Session (FDS) para iti Topiko nga imitingda kadagiti 4 Ps para iti dayta a bulan.

Iti manon a bulan a pannakaangay ti Family Development Session (FDS) kadagiti barangay ket nasursuron dagiti Parent-Leaders ti tumakder iti bukodda a panangtarawidwid iti miting ken seminar iti masakupanda.

Ita a bulan  ti   Marso 2018 ket mairaman  dagiti kameng ti Cabugao BFP  nga aglektiur (Learning Service Provider)  kadagiti FDS Session-da ket napagkaykaysaanda a maysa a Topiko latta ti binsaenda kadagiti Family Development Session-da tapno nadardaras a maawatan dagiti klienteda. Nalaklaka pay a maawatan dagiti adalanda a 4 Ps no dagitay kabisadoda/naipanawen  a Topiko/Situasion  iti maiyad-adal kas parte  iti Values  Formation iti Programa.

Dagitoy nga aksion ken inisiatiba ket kabadang iti agtultuloy a panangtarabay kadakuada ti Gobierno Munisipal iti panangidaulo ni Mayor Josh Edward S. Cobangbang iti pannakikammayetna iti Ahensia ti DSWD iti napintas a maaramidan dagiti programa a maisaksaknap kadagiti barangay tapno maragpat iti sapasap a panagrang-ay iti Pamilia ken umili.  # (Web In-Action)

No comments:

Post a Comment