Cabugao, Ilocos Sur – Aglapusanan ti kameng ti Iglesia Romano Katolika a nagatendar iti pannakaselebrar ti Domingo Ramos (Palm Sunday) iti Parokia ni San Markos Ebanghelista, Simbaan Romano Katolika, Cabugao, Ilocos Sur idi Marso 25, 2018.
Naaramid ti panangbendision ni Apo Padi kadagiti Palmas/Ramos iti ruar ti Simbaan sakbay a naaramid dagiti Nasantuan a Misa.
Inatendaranda pay dagiti nasao a Misa dagiti kaaduan nga umili ti Cabugao, Ilocos Sur kadaytoy a pakauna nga aldaw ti pannakarambak ti Semana Santa 2018.
Kabayatanna, kastoy met laeng a buya ti naimatangan iti ikub ti inaladan ti Iglesia Filipina Independiente (IFI), Brgy. Quezon, Cabugao, Ilocos Sur iti dayta met laeng a petsa a kas pangselebrar dagiti IFI Parishioners iti rugi ti kalawasan ti Semana Santa 2018.
Kanaig daytoy, iti pannaki-amad ti Web In-Action kadagiti Parish Priest, imbatadda a naurnos ken naballigi ti naaramid a selebrasion iti Simbaan kasta metten iti pannakamantener ti linak ken talna babaen iti panangtarabay dagiti agtengtengngel ti urnos ken talna. # (Web Situational Report)
No comments:
Post a Comment