Wednesday, March 28, 2018

SOLEMNIDAD KEN TALNA TI SEMANA SANTA 2018, AGTULTULOY

Cabugao, Ilocos Sur – Natalna ken nasolemnidad ti panangselebrar dagiti umili ti Cabugao, Ilocos Sur iti Semana Santa 2018. Dua a banag ti mangital-o ti karirikna dagiti umili a bakasionista ken dinanon dagiti simmangpet iti  kangitingitan ti Lenten Season: maipasnekda ti agselebrar iti sidong ti pamilia ken kabagianda.

Naaramid ti nagsaruno a libut ken Station of the Cross iti kamalman ti Martes Santo babaen kadagiti Parishioners ti  Iglesia Romano Katolika ken  iti Iglesia Filipina Independiente (IFI) iti aglikmut ti Poblasion.

Kabayatanna, agtultuloy a natalna ti kasasaad  dagiti umili ken naannayas ti trapiko iti amin a direksion a pagaaduan ti tao: iti Simbaan, Kalsada Nasional ken idiay Tiendaan babaen iti panangiwardas dagiti Pannakabagi ti Linteg. #  (WEB SITUATIONAL REPORT)

No comments:

Post a Comment