Cabugao, Ilocos Sur – Naangay ti Cabugao Mass Wedding Program ti LGU-Cabugao iti Cabugao Cultural and Sports Complex, Brgy. Rizal, Cabugao, Ilocos Sur idi Pebrero 28, 2018.
Iti panangrugi ti programa, immuna ti panagmartsa dagiti agparis a nagkasar a sinaksian dagiti ninong ken ninangda iti uneg ti nadakamat a Building.
 |
| CLICK HERE TO VIEW MORE PHOTOS |
Iti Opening Program, naaramid ti Prayer babaen ken ni Engr. Conrado Segui. Indauluan met ni Municipal Treasurer Mrs. Lourdes A. Azcueta ti pannakakanta ti Philippine National Anthem ken ti Cabugao Hymn.
Nangited ti Welcome Address ni SBM Vicky S. Serna. Kinablaawanna dagiti 18 a paris nga agkasar ken manganak agraman dagiti Bisita ken Opisiales ti Ili a naitaripnong iti panangidaulo ni Mayor Josh Edward S. Cobangbang. Bininsana ti pateg daytoy a programa ti LGU-Cabugao a mangsimpa ti kasasaad dagiti agassawa a saan pay a nangawat iti kapatgan a Matrimonia ti Kasar.
Naisaganad ti Seremonia ti Kallaysa. Nagsinnango dagiti agkasar a kaduada dagiti ninong ken ninangda iti sango. Inannong ni Mayor Josh Edward S. Cobangbang ti seremonia ti Kasar babaen iti Bileg a naikawes iti Chief Executive a mamagkallaysa kadagiti 18 a paris a nagkasar.
Kalpasan ti group picture dagiti nagkasar ken ni Mayor Josh Edward ken dagiti Opisiales ti Ili, nagsala dagiti newlywed couples.
Iti Mensahe ni Mayor Josh Edward, kinablaawanna dagiti nagkasar ken agraman dagiti nanganak ken kabagian dagiti nagkasar ken iti amin a nagatendar iti nasao a seremonia.
Imbatad ti Ama ti Ili a saan laeng a dagiti apagkallaysa ti nagasat ita nga aldaw ket uray met isuda a naaddaan ti parte a nangannong kadaytoy a mass wedding ceremony.
Pinagyamananna pay iti agtultuloy a panagtalekda ken pammatida iti Gobierno Munisipal babaen iti pannakipartisiparda kadaytoy a programa ti Munisipio. Innayon ti Alkalde Munisipal a mainayon dagiti nagkallaysa a mangbangon iti naresponsable a Pamilia a pangrugian ti natibker a pundasion ti naurnos ken naprogreso nga ili ti Cabugao.
 |
| CLICK HERE TO VIEW MORE PHOTOS |
Nangipaay ti Mensahe ni Ms. Gloria A. Pascua, Statistical Specialist II, PSA, Ilocos Sur. Inapresiarna daytoy a proyekto ti LGU-Cabugao babaen iti liderato ni Mayor Josh Edward S. Cobangbang kasta metten ken ni Municipal Civil Registrar Office Mrs. Rosario Charity S. Abara ditoy nga ili.
Nangipaay met ti Mensahe ni Engr. John R. Pilot, President, Ilocos Sur Association of Civil Registrars.
Impaayan ti LGU-Cabugao dagiti dua nga Opisiales ti PSA iti Certificate of Appreciation ken inyawat ni Mayor Josh Edward a kaduana dagiti Opisiales ti ili.
Naisaganad ti “Kiss with the Bride” a ritual ti panagkallaysa. Naaramid pay dagiti ritual ti “Cake” ken “Champagne Toast”.
Kabayatanna, naited dagiti sagut kadagiti nagkasar ket indauluan da Mayor Josh Edward S. Cobangbang ken ni Vice Mayor DJ Savellano iti nagiyawat kadagiti nagduduma a sagut a binayabay ida da SBM Vicky S. Serna; SBM Josefina S. Vallejo ken ni Municipal Civil Registrar Mrs. Rosario Charity S. Abara agraman dagiti Opisiales ti PSA.
Kalpasan ti Seremonia ti Kallaysa, naaramid ti panamagsasango dagiti amin a nagatendar kadagiti naisagana a taraon kalpasan iti Thanksgiving Prayer.
Nagpaay nga Emcee da Mr. Arvin Manauis ken ni Mr. Kevin S. Somera, agpada nga Staff, Office of the Mayor. # (Web In-Action)
 |
| CLICK HERE TO VIEW MORE PHOTOS |
No comments:
Post a Comment