Cabugao, Ilocos Sur –Naangay ti tallo nga aldaw (Marso 14-16, 2018) a panagsanay a napauluan iti “Skills and Development Training on Operating and Maintenance of Big Machines for Farmer Leaders in Cabugao, Ilocos Sur” kadagiti dadaulo ti mannalon iti ili a Cabugao, Ilocos Sur idi Marso 14-16, 2018.
Daytoy a pa-training ket nagbuligan nga inggannuat ti DA-RFO 1 ken iti LGU-Cabugao nga idauluan ni Mayor Josh Edward S. Cobangbang. Umabot ti 29 a mannalon iti nagpartisipar iti nasao a training.
Iti umuna nga aldaw, naangay ti Opening Program ti panagsanay iti Early Childhood Care Development Center Building, Barangay Rizal. Cabugao, Ilocos Sur. Nawarwar dagiti topiko a mainaig iti panagasikaso iti makinaria para iti agrikultura.
Naaramat ti powerpoint presentation ken nagtitinnulongan dagiti pannakabagi ti DA-LGU Cabugao a nangadal kadagiti farmer leaders.
Iti maikadua nga aldaw, naadal ti maipapan iti aktual a panangtaming kadagiti makinaria ket naangay ti hands-on idiay Free Farmers MPCI Building, Brgy. Sagayaden Norte, Cabugao, Ilocos Sur.
Naglektiur ni Mr. Nathaniel B. Galamgam, AT ken nagatendar ni Municipal Agriculturist Robert S. Savella.
Naaramid ti Closing Program idi Marso 16, 2018 iti Cabugao Early Childhood Development Center Building, Barangay Rizal, Cabugao, Ilocos Sur a no sadino a ditoy ket inawat dagiti nagpartisipar iti sertipiko ti panagatendarda manipud ken ni Municipal Agriculturist Robert S. Savella. # (Web In-Action)
No comments:
Post a Comment