TAX MAPPING, MAAR-ARAMID ITI KADA BARANGAY ITA MARSO 2018

Cabugao, Ilocos Sur – Naigannuat ti Tax Mapping Drive  ita a bulan ti  Marso 2018 babaen kadagiti pannakabagi ti Municipal Treasurer’s ken  Assessor’s Office ken pakairamanan ti pannakabagi ti Municipal Agriculture Office, LGU-Cabugao, Ilocos Sur  tapno mapabaro dagiti daanen a dokumento ken tapno agtultuloy a  maammuan dagiti baro nga agtagikua kadagiti daga (naipatawid/nabingay  ken  nagatang) kadagiti barangay ti Munisipalidad.
   
Ti Tax Mapping Drive ket paset ti programa ti LGU-Cabugao nga idauluan ni Mayor Josh Edward  S. Cobangbang tapno  maammuan  iti umisu a mangbayad ti pagrebbenganna (Amiliar) iti lote wenno daga. 
  
Kanaig    daytoy a gannuat iti agtultuloy a  pannakanayon  iti masapulan ti Munisipio  a maipaay babaen iti porma ti serbisio nga agsubli kadagiti umili. Nangrugi daytoy nga aktibidad dagiti pannakabagi ti  Munisipio idi Pebrero 27, 2018 ken agpatingga inton Marso 28, 2018. Dua a barangay ti nakaeskediul a leppasenda iti inaldaw.  # (Web In-Action)