Cabugao, Ilocos Sur – Maang-angay ti tallo nga aldaw, Oktubre 1-3, 2018 iti 3-Day 2018 Unit 1 Palaro babaen iti Tema: “Developing 21st Century Athletes Through Values and Sports” kadagiti pageskuelaan elementaria/sekundaria iti uppat nga ili a kas iti Sinait, Cabugao, San Juan ken Magsingal iti Umuna a Distrito ti Probinsia ti Ilocos Sur. Maaramid ti salip ti ay-ayam iti uneg ti Cabugao Athletic Oval a masarakan iti Barangay Bonifacio, Cabugao, Ilocos Sur a pagatendaran dagiti napili nga Atleta a mangibagi iti tunggal pagadalan iti kada ili a tarabayen dagiti Officiating Officials, Coaches, mangisursuro ken nagannak a makibalubal kadagiti nga nga aldaw ti panagsasalip iti nadumaduma nga sports events.
Iti Day 1, Oktubre 1, 2018, naaramid ti Parada dagiti Delegado/Atleta agraman dagiti Sports Officials; PTAs ken dagiti Coaches iti aglikmut ti Poblasion sa naaramid ti ababa a programa iti School Stage ti Cabugao South Central School a sumango iti Cabugao Athletic Oval sakbay a nairugi ti Palaro.
Iti Program Proper, Words of Welcome ti inakem ni Dr. Consesa T. Rumias, Ed.D, Public Schools District Supervisor ti Cabugao ken Sinait DepED District. Kimmablaaw ken nagyaman iti ili a Cabugao, Ilocos Sur babaen iti liderato ni Mayor Josh Edward S. Cobangbang. Kunana a pagyamanan ti DepED Cabugao iti agtultuloy a panangtaraby dagiti Opisiales ti Ili nga idauluan ni Mayor Josh Edward kadagiti programa ken pagsayaatan iti benneg ti edukasion ken sports iti ili a mangtubay kadagiti ubbing ken agtutubo.
Dinakamat pay ti Superbisora a babaen iti daytoy a kompetision ket makisalipdanto dagiti Atleta iti para iti Palaro ti DepED-Ilocos Sur agingga idiay RIAA iti masanguanan a pakasursuruanda a makilangen ken pakanayonan ti padasda kas agad-adal.
Simmaganad ti Lighting of the Symbolic Torch babaen kadagiti uppat a napili nga Atleta a pannakabagi iti uppat nga ili nga agsasalip.
Nangited ti Mensahe ni SBM Dr. Jemaima S. Tan-Yee, Committee Chairman on Education ti ili a Cabugao. Kimmablaaw ken nagyaman iti amin a nakipartisipar iti daytoy damo nga aldaw ti kompetision. Kunana a babaen ditoy iti pangipakatan dagiti ubbing ken agtutubo iti kabaelanda iti sports ket iti agtultuloy a pannakasanayda a nasayaat ket agresulta iti pagimbagan a maited iti bagida ken iti pagilianda.
Naaramid ti Presentation of Athletic Delegates babaen kadagiti Head iti Athletic Delegation iti uppat nga ili iti benneg ti Elementaria ken iti Sekundaria.
Kalpasan ti intermission Number
a Dance Sports iti pannakabagi a pareha manipud iti St. William’s Institute of Magsingal ket naisa ti bandera ti Unit Athletic Flag babaen kada Mayor Josh Edward S. Cobangbang ken ni Mrs. Estrellita M. Siruno, Principal III, Cabugao South Central School a kinaparehana.
Naisaruno ti panagsarita ni Mayor Josh Edward S. Cobangbang a nangted ti mensahena a kas Host nga ili iti daytoy a pasalip. Dinakamatna ti pateg ti sports iti panagadal ken mangtubay iti kinadisiplina iti bagi ken sportsmanship. Nagyaman iti partisipasion ti amin ket kiniddawna iti aglaplapusanan koma a suporta ti amin para iti Unit 1 Palaro iti tallo nga aldaw ditoy ili ti Cabugao. “I wish you all the best! Sapay ta mataginayontayo iti kinapakumbabatayo,” kuna ni Mayor Josh Edward.
Naisaganad ti Hoisting of Delegation Flag babaen kadagiti Opisiales ti Ili iti uppat nga ili agraman dagiti Principal; School Heads; Opisiales ti Secondary Schools ken MAPEH Coordinators kadagitoy nga ili.
Nangipaay ti Affirmation of the Amateur Athletic Oath ni Charity Mae de la Cruz, RIAA Athlete (Gymnastics).
Imbagian ni Mrs. Estrellita M. Siruno, Principal III ken Unit 1 Chairman ni Ms. Gemma Q. Tacuycuy, CESO V, Schools Division Superintendent a nangideklarar iti panaglukat ti paay-ayam.
Nakikaysa met iti nasao a programa dagiti Opisiales ti LGU ken DepEd iti ili a San Juan a nangibagianda ken ni Mayor Benjamin V. Sarmiento; kasta metten dagiti Opisiales ti DepED ti ili a Magsingal a nanangibagianda ken ni Mayor Alrico A. Favis; dagiti Opisiales ti ili a Cabugao nga idauluan ni Mayor Josh Edward S. Cobangbang; dagiti Opisiales ti LGU ken ti DepED iti LGU-Sinait nga indauluan ni Vice Mayor Clifford L. Ines. # (Web In-Action)
No comments:
Post a Comment