Cabugao, Ilocos Sur – Naangay ti Awarding/Turn-over dagiti 22 a bilang ti Farm Tractor (Kubota 3608) ken 2 nga (Kubota Tractor 5018) with Rotovator, Holler and Accessories; 5 Sumo Hand Tractor Kuliglig with Kubota RK70; 11 Honda Compact Tiller with Yellow Ridger Furrower Multipurpose Cultivator ken Inputs (Ganagan a 16-20-0 Compound Fertilizers ken Urea) a maited kadagiti Asosasion ti Mannalon ken iti Barangay kadagiti barangay ti ili a Cabugao, Ilocos Sur nga inimatangan dagiti nagatendar ken dagiti LGU Personnel a timmulong idiay Cabugao Cultural and Sports Complex, Barangay Rizal, Cabugao, Ilocos Sur iti Oktubre 25, 2018.
Dagitoy a maited a ramit ken kasapulan ket nagtaud iti pundo ti RA 7171 a mabatayan ti Munisipio.
Nakikaysa da Mayor Josh Edward S. Cobangbang; Vice Mayor DJ Savellano ken dagiti kameng ti Sangguniang Bayan nga isuda SBM Atty. Randy Baniaga G. Kinaud, Committee Chairman on Agriculture; SBM Danny Q. Gazmen; SBM Vicky S. Serna; SBM Dodgie S. Santella; SBM Jayhan Alcid-Tan; SBM Atty. Bryan Jett S. Pano ken kasta metten ni ABC President Thaddeus “Teddy” U. Soller ket binayabayda ni Mayor Josh Edward a nangiyallawat kadagitoy a ramit ken kasapulan ti agrikultura kadagiti maseknan nga umawat.
Sakbayna, naangay ti ababa a programa nga inatendaran dagiti kameng ti Asosasion agraman dagiti Opisiales ti ili ken kameng iti Konseho ti Barangay ken Kapitanes a nagatendar.
Nagsarita ni Mayor Josh Edward S. Cobangbang ket kinunana a dagitoy a pagsayaatan ket maigapu iti tao ket dinakamatna iti agtultuloy koma ti nasayaat a panangmantener dagiti maseknan a sektor a mangsagrap kadagiti maited a pagimbagan ken pagsayaatan a maipaayna.
Binigbig ni Mayor Josh Edward ti akem ni dati nga Ilocos Sur Governor Luis “Chavit” Singson nga Ama ti RA 7171 a naggapuan dagitoy a tulong.
Nagsarita met da SBM Randy Baniaga G. Kinaud, Committee Chairman on Agriculture ken ni Farmers Federated President Modesto P. Ronque. Anag ti Mensaheda iti panagyaman ken nasayaat a pannakausar dagitoy a maited a para iti pannakaidur-as ti produksion ken mangitag-ay ti panagbiag dagiti kaaduan.
Naisaganad iti Blessing dagiti Farm Machineries ken Farm Implement babaen iti panangannong ti Parish Priest ti Cabugao Catholic Church. Kalpasanna, naaramid ti group picture.
Nakikaysa met da Mr. Nathaniel B. Galamgam, Municipal Farmer Coordinator ken ni Mr. Edgar S. Balangatan, Project Coordinator iti nadakamat nga awarding.
Nagpaay nga Emcee ni HRM Officer Miss Teresita Maximina “Mimie” S. Sison. Timmulong met dagiti Personnel ti Munisipio iti nadakamat nga aktibidad. # (Web In-Action)
No comments:
Post a Comment