Cabugao, Ilocos Sur - Nagtinnulong ti DA- Philippine Crop Insurance Corporation (PCIC) ken dagiti Staff ti DA-LGU Cabugao nga idauluan ni Municipal Agriculturist Robert S. Savella a nangited ti bayad dagiti mannalon a nadidigraan ti mulada a pagay gapu iti idadaliasat ti Bagyo Ompong a masakupan ti Wet Season 2018.
Naaramid ti pannakabayad babaen iti naited nga indemnity checks kadagiti mannalon babaen kadagiti pannakabagi ti PCIC iti Cabugao Cultural and Sports Complex, Barangay Rizal, Cabugao, Ilocos Sur idi Oktubre 24, 2018.
Impeksa dagiti nadidigraan a mannalon iti Typhoon Ompong iti panagyamanda iti PCIC ken iti LGU-Cabugao ta no kaskasano ket masulnitan ti gastos ken bannogda iti panagmulada iti masakupan ti Wet Season 2018.
Dagitoy nga aksion ken inisiatiba ket resulta iti nakammayet a programa ti Gobierno Munisipal nga idauluan ni Mayor Josh Edward S. Cobangbang ken iti DA- PCIC tapno matulongan ti kasasaad dagiti mannalon a naapektaran ti mulada iti limmabas a dawel ti bagyo. # (Web In-Action)
No comments:
Post a Comment