Cabugao, Ilocos Sur – Naaramid ti panagselebrar dagiti kameng ti Cabugao Federated Senior Citizens Association maipapan iti Elderly Filipino Week Celebration 2018 iti Oktubre 11, 2018 babaen iti Tema: “Kilalanin at Parangalan; Tagasulong ng Karapatan ng Nakatatanda Tungo sa Lipunang Mapagkalinga” iti
Cabugao Cultural and Sports Complex, Brgy. Rizal, Cabugao, Ilocos Sur.
Immuna a naaramid ti Nasantuan a Misa iti St. Mark the Evangelist Catholic Parish Church a nagatendaran dagiti nataengan. Naaramid ti Fun Walk iti National Highway sa naangay ti salu-salo ket sinagrapda dagiti naisagana a napagsasanguan sakbay a naaramid ti programa iti Sports Complex.
Iti Welcome Address, nagsarita ni Mrs. Constancia Sonido ket inawisna ti amin nga umili a mangimatang iti naragsak a pannakipaset dagiti nataengan iti kagimongan babaen kadaytoy a selebrasion.
Naiballaet dagiti Intermission Number dagiti barangay chapter ti FESCA ket adda nangipaay ti daniw ken nagsala a grupo.
Nangipaay ti Message da MSWD Officer Mrs. Lydia S. Gazmen; Vice Mayor DJ Savellano; SBM Danny Q. Gazmen; SBM Vicky S. Serna; SBM Jayhan Alcid-Tan; ken ni SBM Dodgie Santella.
Nagsarita pay ni SBM Atty. Bryan Jett S. Pano, Committee Chair on Social Services ken nangipaay ti Mensahe ni Retired Judge Efren S. Ubungen.
Naglektiur dagiti pannakabagi ti Philhealth Vigan City ken naaramid ti Open Forum kalpasanna.
Binagi met ni Dr. Mark-Lawrence T. Tirao, OIC Municipal Health Officer ti ili a Cabugao a trinatar ti Caring for the Elderly iti pakaseknan dagiti annuroten ti salun-at dagiti nataengan tapno pumaut pay ti panangnanamda ti biagda.
Impaay ni Mr. Bonifacio Somera, FESCA President ti Closing Remarks. Nagyaman ni Mr. Somera iti naballigi nga okasion dagiti nataengan.
Nagpaay nga Emcee ni Mr. Remigio B. Sunico, OSCA Head.
Simmaruno a naaramid ti pannakaited ti Tseke a gunggona ni Centenarian Marcelo Castro iti Barangay Turod Patac, Cabugao, Ilocos Sur nga impaay ti LGU-Cabugao nga idauluan ni Mayor Josh Edward S. Cobangbang.
Naaramid pay iti Raffle Draw kadagiti papremio manipud iti Philhealth ken ni Vice Mayor DJ Savellano.
Inggannuat dagiti RHU Personnel iti Blood Pressure Check-up kadagiti nataengan. # (Web In-Action)
No comments:
Post a Comment