Cabugao, Ilocos Sur – Naangay ti 2-Day Training Workshop dagiti Barangay Nutrition Scholars (BNS) iti Munisipalidad ti Cabugao, Ilocos Sur idi Oktubre 18-19, 2018 a nagatendaran dagiti BNS iti 33 a barangay ti ili iti Municipal Building iti sango ti Rizal Barangay Hall, Brgy. Rizal, Cabugao, Ilocos Sur.
Naglektiur ken nagsarita iti nadakamat a Training-Workshop da Ms. Gloria T. Segui, Federated BNS President; Ms. Jeannete Garcia, Municipal Nutrition Action Officer ti LGU-Cabugao ken ni Ms. Edith Castillo. Maar-aramid dagitoy nga aktibidad iti BNS tapno maadalanda kadagiti mainayon a kaammuan iti naannayas ken epektibo a pannakaipatungpal iti programa ti Nutrision kadagiti pagdestinuanda a barangay.
Kabayatanna, ti pannakaisaknap iti napintas a serbisio ti nutrision kadagiti ubbing ket prayoridad a programa ti LGU-Cabugao nga idauluan ni Mayor Josh Edward S. Cobangbang, Chairman, Municipal Nutrition Council Committee tapno agtultuloy a mamantener iti salun-at dagiti agtan-ay nga ubbing ken natalged a kasasaad dagiti inna a pundasion iti natibker a pamilia iti kagimongan.
Kanaig daytoy, nagatendar dagiti Opisiales ti Cabugao BNS Federated Association iti naangay a Rehional a Komperensia dagiti Barangay Nutrition Scholars (BNS) iti Probinsia ti Ilocos Sur, Ilocos Norte, La Union ken Pangasinan idi Oktubre 9-10 idiay Vigan Convention Center, Vigan City, Ilocos Sur. # (Web In-Action
No comments:
Post a Comment