Cabugao, Ilocos Sur – Nayeskediul dagiti salip/Games dagiti Atleta iti uppat nga ili kadagiti sumaganad nga events: Basketball, Softball, Baseball, Table Tennis, Lawn Tennis, Archery, Badminton, Taekwondo, Volleyball, Sipa, Athletics, Arnis, Boxing, Billiards, Chess, Volleyball, Wushu, Dance Sports, Football, Futsal ken Gymnastics iti Day 1 ken 2 ti 2018 Unit 1 Palaro idi Oktubre 1-2, 2018 iti Cabugao Athletic Oval.
Kabayatanna, naaramid ti paay-ayam iti Cabugao Institute Ground ken iti Covered Court kasta metten iti Barangay Covered Court ti Brgy. Bonifacio ken iti Cabugao Cultural and Sports Complex iti Barangay Rizal.
Dadduma nga events ket naaramid iti pageskuelaan ti Cabugao South Central School a nagpaay a Team Quarters ti Sekundaria ken Elementaria iti uppat nga ili nga agsasalip.
Segun kadagiti Officiating Sports Officials ket inaramidda ti kabaelanda a nagmonitor iti paay-ayam, panangkita iti dadduma pay a kasapulan ken pakaseknan dagiti Atleta ken Bisita ken pannaki-koordinarda kadagiti nadumaduma nga event personnel ti DepED a natudingan a mangkita iti pagan-annayasan ti paay-ayam ken dagiti nakipartisipar/nagbuya ditoy.
Bumisbisita met ni Mayor Josh Edward S. Cobangbang ken katarabayna nga opisial ti Ili iti sports event site kas parte iti panangtarabayna iti pannakaaramid daytoy nga athletic event iti ili a Cabugao.
Nakapundo dagiti Ambulansia ti LGU-Cabugao a kadua ti mangimanmanehar dagiti Medical Aide kadagiti nadumaduma a paset ti pagay-ayaman a mangaksion iti aniaman a makasapul iti tulong ti First Aid ken Medikal iti pakaseknan kadagiti agdama a paay-ayamda.
Agtultuloy met a nakitinnarabay dagiti kameng ti Barangay Tanod/BPATS iti pannakamantener ti urnos ti Trapiko ken iti panag-ruar-sumrek ti lugan ken tao a mapan iti asideg ti pagbuyaanda.
Kabayatanna, aktibo met a nakigamulo iti paay-ayam a mangrugi kadagiti kameng ti Screening Committee a buklen dagiti pannakabagi iti uppat nga ili kasta metten dagiti kameng ti Clerk of Course/Recorder ken Announcer/Presenter.
Naregta dagiti Announcer/Presentor iti School Stage a mangipakpakaammo iti pagdurdur-asan ti salip, panagsagana dagiti sumaruno nga agsalip nga ili ken dagiti nangatiw a Team kalpasanna, panawagan iti pakaseknan ti ay-ayam, Atleta agraman dagiti agbuybuya.
Buklen dagiti Officiating Officials ti Tournament Managers ken kakaduada iti benneg ti Elementaria ken High School iti tunggal event.
Manamnama nga iti nagmalem a paay-ayam idi Oktubre 1 ken 2, 2018 ket maripiripen dagiti agbalballigi a Team/Ili kadagiti event kadaytoy a dinnayo ken dagiti mapili nga Atleta ken Coaches a makilaok iti masungad a Palaro. # (Web In-Action)
No comments:
Post a Comment