Cabugao, Ilocos Sur –Inimatangan ti Pamilia-LGU Cabugao iti pannakaited ti Plaque of Appreciation ken ni Mayor Josh Edward S. Cobangbang kalpasan iti Flag Raising Ceremony iti Oktubre 8, 2018 iti sango ti Rizal Barangay Hall, Brgy. Rizal, Cabugao, Ilocos Sur.
Naggapu ti Pammadayaw iti Department of Tourism, Region 1 babaen ken ni Hon. Martin S. Valera, Regional Director iti naangay a 5th Tourism Convention idiay Vigan City idi Setiembre 27-29, 2018. Maibasar iti linaon ti Pammadayaw ken ni Mayor Josh Edward ket kastoy ti nailanad: “In grateful recognition and appreciation of his unceasing support and unparalleled contributions as a tourism industry partner of the Department in the successful staging of the 5th Region 1 Tourism Convention.”
Inyawat ni HRM Officer Miss Teresita Maximina “Mimie” S. Sison ti Plake ken ni Mayor Josh Edward S. Cobangbang ken binayabay da SBM Danny Q. Gazmen; SBM Vicky S. Serna ken ni SBM Josefina S. Vallejo. # (Web In-Action)
No comments:
Post a Comment