UPDATE TI 4 Ps TI ILI A CABUGAO

Cabugao, Ilocos Sur – Naangay ti panagmiting ti Municipal Advisory Committee iti bulan ti  Oktubre 2018 itay nabiit a daytoy ti mangtartarawidwid kadagiti aktibidades ken turongen ti programa ti Pantawid Pamilyang Pilipino Program (4Ps) ditoy nga ili.

Maibasar iti Minutos ti Miting, umaboten ti 1,650 ti  aktibo a registered beneficiaries ti 4 Ps iti Munisipalidad ti Cabugao iti agdama.

Iti nadakamat a miting, natratar dagiti issues and concerns ken dagiti napagkaykaysaan a napagnunumuan iti  pakaseknan ti nataming nga isyu wenno pakaseknan.

Dagiti mataming nga agenda ket pakabuklan iti Program Updates ti 4 Ps; Health Updates; School Updates; Issues and Concerns per Area.

Ti Topiko a matratar kadagiti barangay a pakaang-angayan ti Family Development Session (FDS)  para iti bulan ti Oktubre 2018 ket napauluan: “Enhance Family Development Session Modules on the Interface Meeting on Community Scoreboard”.

Ti Municipal Advisory Committee (MAC) ket idauluan ni Mayor Josh Edward S. Cobangbang, MAC Chairman. # (Web In-Action)