Friday, February 7, 2014

EMERGENCY MEETING TI BACALL MPA, NAANGAY

Cabugao, Ilocos Sur – Naangay ti Emergency Meeting ti Baclig-Callaguip, Lusong Suyo Multi-purpose Association (BACALL MPA) idi Pebrero 6, 2014 iti Palay Shed, Sitio Lusong Suyo, Brgy. Baclig, Cabugao, Ilocos Sur.

Dagiti natratar ken napagnunumuan:

1.Panagreport ti Association’s  Secretary iti pakaseknan ti pinansial a kasasaad ti asosasion maigapu ta isu ti Bookkeeper a mangilanad ti detalye dagiti naipalaon iti Cash Book ti Association’s  Treasurer.

2.Pannakaibinsa babaen iti Presidente, Mr. Dominador Reynold S. Sabio iti Corn Flint Project-da partikular iti Feed Formulation agraman iti Livestock Component daytoy a proyektoda.

3.Pannakapasingked ti kaaduan iti panagpatingga ti serbisio ti Association’s Treasurer. 

4.Pannakamantener dagiti Post-harvest Facilities a nagun-od ti asosasion kas iti Flatbed Dryer, Palay Shed ken iti Multi-purpose Drying Pavement (MPDP).

5.Pannakamantener dagiti dadduma pay a ramit ken makinaria a nagun-od ti asosasion manipud iti DA ken ti LGU-Cabugao ken iti  wagas a pannakausarda a para kadagiti Miembros.

Timmarabay da Mr. Nathaniel B. Galamgam, AT, Municipal FA Coordinator  ken ni Mrs. Joenah G. Sevilleja, AT, Assigned Technologist iti nasao a miting. # (Web In-Action)

No comments:

Post a Comment