Monday, February 10, 2014

SIGLAT AWARDEES, PINADAYAWAN MET TI LGU-CABUGAO

Cabugao, Ilocos Sur – Kalpasan ti Awarding Program  para iti 2013 Siglat Awards babaen iti Provincial Government, naaramid met ti pannakapadayaw dagiti Barangay Siglat Awardees iti ili a Cabugao, Ilocos Sur kalpasan ti Flag Raising Ceremony iti Pebrero 10, 2014 iti imatang ti Pamilia-LGU nga idauluan ni Mayor Edgardo “Ediboy” S. Cobangbang, Jr.

Kalpasan ti pannakaiparang ti tunggal Barangay/Awardee a nakaitedan ti Premio ken Plakeda, nangipaay ti Mensahe ni Mayor Ediboy a nangbigbiganna iti inisiatiba dagiti barangay a nagpartisipar iti nasao a pasalip a nakaigapuan met a nakagun-odan  a  “Kasiglatan nga LGU”  ti ili a Cabugao iti intero a Probinsia ti Ilocos Sur.

Innayon ti Alkalde Munisipal a maipaay a kabukbukodan ti tunggal Winner ti inabakda a premio ken maiserbi met ti inabak ti LGU Cabugao para iti pannakamantener ti partisipasion dagiti barangay para iti sumaruno a Siglat Awards. Mangnamnama ti Ama ti Ili iti ad-adu a bilang dagiti indibidual ken barangay a makipartisipar iti sumaruno a pasalip ti Provincial Government.


Kanaig daytoy, impeksa pay ni Mayor Ediboy ti ragsakna iti napintas nga impresion dagiti Balikbayans iti kaaddada ita iti ili ti Cabugao nangruna iti Poblasion. Inawis ti Mayor iti sapasap a partisipasion ti Pamilia-LGU iti tallo nga aldaw nga aktibidades iti pannakaaramid ti 7th Cabugao Global Reunion ditoy ili ti Cabugao inton Pebrero 18-20, 2014.

Insupusop pay ni Mayor Ediboy nga itultuloy koma ti Pamilia-LGU a taginayonen  ti napintas a panangpasangbay kadagitoy a Balikbayan ta isuda (LGU Personnel)  ti parupa ti Munisipio kabayatan iti panagtalinaed dagiti bisita ditoy a Munisipalidad. # (Web In-Action) 

No comments:

Post a Comment