Cabugao, Ilocos Sur – Naangay ti Pay-out (Over the Counter) iti umabot ti 64 a Beneficiaries ti Pantawid Pamilyang Pilipino Program (4 Ps) a naggapu iti 12 a barangay ti Munisipalidad ti Cabugao.
Segun ken ni Ms. Juliet Madriaga, Municipal Link, Cabugao, inawat dagiti Grantees ti dua a bulan (Nobiembre-Disiembre 2013) a pannakabayad ti aw-awatenda a Cash Grant. Ti kaaduan a Grantees ket inawatdan ti pannakabiangda iti immuna a nayeskediul a Pay-out.
Ti Programa ti 4 Ps ket nangrugi iti ili ti Cabugao, Ilocos Sur idi Tawen 2010 ket maitultuloy agingga iti agdama. Daytoy ket naipangruna a programa ti National Government babaen iti panangipatungpal ti DSWD a kapartnerna dagiti LGUs a makasakup kadagiti benepisiario.
Nagatendar iti nasao a Payout Activity da Ms. Maria Theresa N. Calvo, DSWD Municipal Roving Bookkeeper ti Ilocos Sur ken ni Mr. Robert S. Jaramilla, Philpost CCT Payout Team Member. Timmarabay met dagiti Staff ti MSWDO-Cabugao nga idauluan ni MSWD Officer Mrs. Lydia S. Gazmen. # (Web In-Action)
No comments:
Post a Comment