Cabugao, Ilocos Sur – Nakikaysa ti LGU-Cabugao iti liderato ni Mayor Edgardo S. Cobangbang, Jr. iti pannakaselebrar ti 116th Philippine Independence Day iti intero a pagilian iti aldaw ti Hunio 12, 2014.
Naangay ti Flag Raising Ceremony iti Munisipio a nagatendaran ti Pamilia-LGU. Kalpasanna, imbasa ni Chief of Police William N. Nerona, Municipal Police Station ti Mensahe ni PNP Chief Alan M. Purisima babaen iti Tema: “Kalayaan 2014: Pagsunod sa Yapak ng mga Dakilang Pilipino Tungo sa Malawakan at Permanenteng Pagbabago”.
Kalpasan itoy, naaramid ti Tree Planting Activity ti Pamilia-LGU, PNP-Cabugao, BFP-Cabugao, ken ti DepED-Cabugao iti agsumbangir ti Kalsada Nasional iti batog ti Sitio Cabaruan, Brgy. Cuancabal, Cabugao, Ilocos Sur agingga iti labes ti Arko ti Cabugao. Naballigi ti pannakaselebrar ti Independence Day babaen iti panagkakammayet dagiti nadakamat nga Ahensia ti Gobierno.
Kabayatanna, nagselebrar met dagiti Barangay babaen iti pannakaisa ti Bandera ken naisaruno ti Clean and Green Activities iti inaramid dagiti lumugar. # (Web In-Action)
No comments:
Post a Comment