Monday, June 16, 2014

UPDATE TI SEEDLINGS, ESKUELA KEN BRGY., MAARAMID

Cabugao, Ilocos Sur – Nagkiddaw  dagiti barangay/indibidual  ti seedlings  manipud iti Municipal  Plant and Nursery, Brgy. Baclig, Cabugao, Ilocos Sur sakbay ti panagtudtudona iti umuna a lawas ti Hunio 2014.
Daytoy a gay-at ket mayataday iti Clean and Green Program ti Munisipio ket komkomplementaran met dagiti pageskuelaan ken barangay babaen iti Environmental Management Program ti Munisipio. Iti panagkiddawda ti seedlings iti Municipal Plant and Nursery ket mangaramidda iti Request Letter a pirmaan ti Municipal Agriculturist ken aprobaran  ti Local Chief Executive sakbay a maruk-atan dagitoy a seedlings, segun kada Mr. Savella ken ni Mr. Balangatan. 

Daytoy a gannuat ket panagsaganada iti maaramid a Tree Planting Activities a nakairamananen  iti pannakaselebrar ti Independence Day iti intero a pagilian idi Hunio 12, 2014.
Iti pannaki-amad ti Web In-Action iti Hunio 16, 2014, imbatad da MENRO Edgar S. Balangatan, AT ken ni Mr. Robert S. Savella, Municipal Plant and Nursery Coordinator a maiplanplano ti pannakamonitor ken pannaka-update dagiti Barangay Nurseries ti Barangay ken dagiti pageskuelaan tapno makitinnulongda iti pannakasustener ti suplay ti seedlings, pannakamonitor iti pannakaimulada iti komunidad   ken iti pannakapatan-ayda kalpasanna. 

Segun ken ni Mr. Savella a kaaduan a seedlings ti adda ket iti Butchina (Palm Tree) ken  Mahogany.

Ti Municipal Plant and Nursery ket naiyataday  unay iti gannuatda a nagpatanor/nagurnong  a nasapsapa  iti seedlings   kas panangannurot iti Direktiba ti Local Chief Executive  tapno adda madadaan a maimula kadagiti aktibidades ti Tree Planting/Reforestation Activities   iti panagmumula a bulbulan ita a Tawen 2014. # (Web In-Action)

No comments:

Post a Comment