Cabugao, Ilocos Sur – Segun ken ni MENRO Designate-Edgar S. Balangatan, AT, nga agkuykuyog a pakaseknan dagiti umili ti maipapan iti Solid Waste ken iti Clean and Green a programa iti pannakapasayaat ti aglawlaw nangruna iti Munisipalidad ti Cabugao.
Kanaig daytoy, imbaga ni MENRO Balangatan a nabunga ti napagmimitinganda idi Abril 15, 2014 a no sadino a ditoy ket nagreport ti Luzon Green Art Technology, Inc., ti kompania a nangkontrata iti pannakaidalimanek ti basura iti ili. Kangrunaan a natratar iti dayta a miting ket iti implementasion ken natalged a pannakaiserra/ Rehabilitation Plan ti Dumpsite babaen iti DENR; Mechanics on the Disposal/Marketing iti naprodukto nga Organic Fertilizer kasta met iti resulta a nagun-od ti kompania iti Bureau of Soils and Water Management (BSWM). Nagatendar idi kadaytoy a miting dagiti pannakabagi iti nadumaduma a Departamento a kas iti GSO, Budget, Komite ti Environment ti SB; DA-LGU, Engineering, MPDC ken iti MENRO.
Insupusop ni MENRO Balangatan a saan nga agsina a pakaseknan ti Munisipio iti maipapan iti Solid Waste Management ken iti Clean and Green ket insingasingna a maipakat met iti agtultutloy a panagdaldalus iti sakup ti EEA Road-Bessang to Caellayan a madalanan no mapanka iti Ecology Center ken mamulaan koma ti kayo iti agsumbangir ti nadakamat a kalsada.
Dagitoy nga aksion ken inisiatiba ket bunga ti napintas a koordinasion dagiti Opisina ken Ahensia a maseknan ken adda iti salinong ti LGU-Cabugao nga idauluan ni Mayor Edgardo “Ediboy” S. Cobangbang, Jr. para iti pannakaitandudo dagiti proyekto/aktibidad nga agtultuloy a mangpasayaat iti aglawlaw. # (Web Situational Report)
No comments:
Post a Comment