Tuesday, June 17, 2014

UPDATE TI RHU PROGRAM, NAAMMUAN

Cabugao, Ilocos Sur – Malaksid iti inaldaw a panagagas dagiti Medical Personnel (Doktor, Nurse, Midwives, Dentist ken RN-Heals) iti Rural Health Unit-Cabugao ket maar-aramid met ti panagtignay ti sanga ti serbisio kadagiti 33 a barangay ti ili a Cabugao, Ilocos Sur.

Iti panagbisita dagiti pannakabagi ti Provincial Health Office iti Hunio 17, 2014, imbatadda nga adda panagraira ti Kamuras iti kallabes ngem gapu ta nataming a nasapsapa ket bumasbassiten ti epektona iti lokalidad, segun ken ni Mr. Benjamin Castillo, pannakabagi ti Provincial Health Office-Ilocos Sur.


Iti biang met ti Community  Health Team (CHT) iti Barangay, maited met ti Honorariumda iti kada tallo a bulan,  segun ken ni Ms. Beverly Ramos, pannakabagi ti Provincial Health Office. Aramiden dagiti pannakabagi ti Team iti nagapuananda ket mapagkaykaysa ti reportda a maited iti RHU-Cabugao para iti pannakainayon ken pakaammuan ti Municipal Health Office (MHO-Cabugao)  nga idauluan ni Dr. Bernardino M. De Gracia III, OIC Municipal Health Officer iti kasasaad dagiti kakaduada nga agtartarabaho iti benneg ti salun-at kadagiti barangay.

Dagitoy nga aksion ken inisiatiba ket nagubuay babaen iti napintas a koordinasion dagiti maseknan nga Opisina iti salinong ti LGU-Cabugao nga idauluan ni Mayor Edgardo ”Ediboy” S. Cobangbang, Jr.  para iti agtultuloy a pannakaidur-as ti salun-at dagiti umili ti Cabugao, Ilocos Sur. # (Web In-Action)

No comments:

Post a Comment