Tuesday, June 17, 2014

ALS PROGRAM TI Dep-ED, IMMADU TI NAGBASA

Cabugao, Ilocos Sur – Segun ken ni Mr. Warren Sumibcay, Mobile Teacher ti Alternative Learning System (ALS),  Community Center, Brgy. Bonifacio, Cabugao, Ilocos Sur nga umabot iti 100 a bilang ti agtutubo a  nagenrol ita a Tawen 2014  itoy nga Equivalency Program ti DepED.


Innayon ni Mr. Sumibcay a babaen iti panangipadamag dagiti maseknan nga agad-adal iti lugarda  ken iti nagapuanan dagiti nagturpos itay kallabes a Tawen 2013 ket in-inuten a maisaknap ken dumur-as daytoy a programa ti Edukasion iti ili a Cabugao, Ilocos Sur.

Insupusop ni Mr. Sumibcay a babaen iti itutulong dagiti nagannak, agad-adal ken Opisiales ti Barangay a kaduana a mangisaknap ket in-inut a makombinsir ti amin nga umili a di nagturpos iti elementaria ken high school a makipaset kadaytoy a napateg a programa tapno maital-o ti kasasaadda ken mapunas a mamimpinsan ti “illiteracy rate” kadagiti barangay. # (Web In-Action)

No comments:

Post a Comment