Cabugao, Ilocos Sur – Maitultuloy ti Rabies Vaccination of Household Pets” kadagiti 33 a barangay ti Munisipalidad ti Cabugao babaen iti grupo ti DA-LGU nga irepresentaran ni Dr. Melvyn G. Castro, DVM, Municipal Livestock Coordinator.
Nangrugi ti nasaknap a trabahoda idi Marso 2015. Sakbayna, naited iti LGU Cabugao dagiti kasapulan nga (Anti-Rabies Vaccine) para iti Livestock manipud iti Provincial Veterinary Office, Vigan City kas paset ti Animal Care Program ti Gobierno Probinsial nga idauluan ni Gov. Ryan Luis V. Singson.
Innayon ni Dr. Castro a maysa nga alternatibo tapno mawanasda dagiti ayup a bakunaan ket iti pannaka-organisar iti sangapulo nga addaan ti taraken a di pay nabakunaan iti maysa a disso ket ditoy ti turongen da Dr. Castro a pagbakunaan.
Dagitoy nga aksion ken inisiatiba ket resulta iti agtultuloy a programa ti Animal Care ti Gobierno Munisipal tapno matulongan iti kasasaad dagiti umili ken maprebentaranda a makapet iti sakit a rabies. # (Web In-Action)
No comments:
Post a Comment