Tuesday, April 7, 2015

PANAGSAGANA ITI PIESTA, NAANGAY TI MULTISECTORAL MEETING

Cabugao, Ilocos Sur – Naangay ti miting dagiti kameng ti nadumaduma nga Asosasion nga idauluan ti Cabugao Federated Farmer’s/Fishermen  Association iti Abril 7, 2015 iti Municipal Conference Building, Cabugao, Ilocos Sur.



Nangipaay ti Mensahe ni Mayor Edgardo “Ediboy” S. Cobangbang, Jr. ket kimmablaaw ken nagyaman kadagiti pannakabagi dagiti Mannalon, Mangngalap, RIC, ken 4-H Club a nagatendar.

Binigbig ti Ama ti Ili iti agtultuloy a talek ken pammati dagiti kameng ti  Asosasion iti Gobierno Munisipal babaen iti panangikumitda iti naan-anay a partisipasion ken kooperasionda  a mangparagsak iti panglukat nga aldaw ti panagpiesta ti Ili a Cabugao.


Impakaammo pay ni Mayor Ediboy ti agdama a kasasaad ti Opisina ti DA-LGU a nangdesignaranna ken ni Mr. Robert S. Savella nga Acting Municipal Agriculturist. Innayon ti Ama ti Ili a nupay makontento iti gapuanan ken kabaelan nga ipapaay dagiti kameng daytoy nga Opisina iti benneg ti Sektor-Agrikultura ket siaayat met latta  a mangallawat kadagiti dadduma pay a singasing a mangpasayaat pay kadagiti programa a mangitag-ay iti Agrikultura iti Munisipalidad.


Indauluan ni  Mr. Elmer Guerrero  Bromeo, Farmers Federated President dagiti nagmiting ket timmulong dagiti DA-LGU Personnel babaen kada Mr. Nathaniel B. Galamgam, Farmers’ Association Coordinator, Mrs. Joenah G. Sevilleja, AT ken ni Mr. Dario Roy Siruno, Municipal Information and Tourism Officer a nangtratar/nangilawlawag  kadagiti 





partisipasion dagiti asosasion iti umuna nga aldaw (Abril 21)  ti Ragsak Cabugao Festival 2015. Daytoy nga aldaw ket masasao nga “Agriculture and Fishery Day.

Kalpasan iti pannakaited dagiti pamanunotan ti tunggal pangulo ti Asosasion ket napasingkedan iti naan-anay a pannakigamuloda ken panagpartisiparda iti daytoy nga umuna nga aldaw ti Piesta. 



Nakitinnulong da SBM Benedicto M. Savellano, Commitee Chair on Agriculture a nakipagtaming kadagiti napagsasaritaan  tapno maaramid ti naragsak kadagiti agbuya  iti maaramid a  Parada ken aktibidad dagiti mannalon ken mangngalap ken kakaduada nga Asosasion a mangesponsor iti dayta nga nga umuna nga aldaw (Opening Salvo) ken rabii  ti Piesta ti ili a Cabugao. # (Web In-Action)

No comments:

Post a Comment