Thursday, April 23, 2015

DUPUDOP TI TAO A NAGBUYA ITI “SALA SA KASADA!”

Cabugao, Ilocos Sur – Dupudop ti tao a nagpadaan ken nagbuya iti naaramid a “Sala sa Kalsada”  a nagpartisiparan ti siam (9) a Contingent: 4 a Zona ti Cabugao DepED District ken lima a Secondary Schools, uppat a public ken maysa a private high school.
CLICK HERE TO VIEW MORE PHOTOS
Sakbay a nagrubuat ti “Sala sa Kalsada” iti sango ti Munisipio, kimmablaaw ken nagyaman ni Mayor Edgardo “Ediboy” S. Cobangbang, Jr. iti sapasap ken uray kadagiti nangorganisar kadaytoy a naisalumina a maipabuya iti maikatlo nga aldaw ti panagpiesta ti ili (Abril 23, 2015). “Happy Fiesta and Good Luck!” imbaga ni Mayor Ediboy sakbay a nairugi ti salip ti sala.

Nangrugi ti “Sala sa  Kalsada iti Cabugao Cultural and Sports Complex ket nagtungpal iti Cabugao Central Park a nakaangayan ti showdown ti siam a contingent babaen iti panangbuya dagiti adu nga umili a makipiesta  ken inimatangan met dagiti napili a Nag-Hurado a binayabay ida dagiti Konsehales ti ili nga isuda SBM Atty. Bryann Jett S. Pano; 

CLICK HERE TO VIEW MORE PHOTOS
SBM Dr. Jemaima S. Tan-Yee; SBM Vicky S. Serna; SBM Jayhan Alcid-Tan; SBM Josefina S. Vallejo ken ni SBM Benedicto M. Savellano.
Kalpasan ti showdown, naipakaammo dagiti nangabak iti dua a kategoria: iti Elementary Level, nagkampeon ti Zone 1 ket nangatiw met ti Pug-os National High School iti High School Level.
Naragsakan ken napnek dagiti nagbuya kadagiti presentasion dagiti nagpabuya iti dayta nga aldaw. 

Dagiti nadakamat nga Opisiales ti Ili ti nagiyawat ti Premio kadagiti nangabak iti Streetdancing Competition.

Kabayatanna, naannayas met ti pannakaiwanwan ti Trapiko kabayatan iti panagsala dagiti nagsasalip iti National Highway iti panangidaulo ni PCI William Nacionales Nerona iti Kapolisan ken dagiti Public Safety Personnel  kasta met ken ni SB Secretary Maxfel S. Suboc, Parade Coordinator ti Piesta a nangidaulo kadagiti Parade Marshal. # (Web In-Action)

CLICK HERE TO VIEW MORE PHOTOS

No comments:

Post a Comment