Monday, April 20, 2015

REGIONAL A PAMMADAYAW ITI LGU-CABUGAO, NAAMMUAN

Cabugao, Ilocos Sur – Kalpasan ti Flag Ceremony iti LGU-Cabugao iti Abril 20, 2015 iti sango ti Municipal Hall (Presidencia), imbasa ni Mr. Dario Roy Siruno, Municipal Information Officer ti linaon ti Certificate of Appreciation Award a nagun-od manen ti Local Government Unit (LGU) Cabugao gapu iti impamatmatna nga agtultuloy a partnership/operational support para iti natalged a maritime environment iti lokalidad iti  103rd Maritime Police Station a nakabase iti Brgy. Mindoro, Vigan City. 

Naited ti nasao a pammadayaw idi Marso 27,  2015 idiay Headquarters Regional Maritime Unit 1, Dagupan City babaen ken ni Hon. Policarpio Catungal  Cayabyab, Jr., Police Superintendent, OIC Regional Maritime Unit 1.

Ti nadakamat a Maritime Group ket adda iti salinong  ti National Police Commission (NAPOLCOM), Philippine National Police (PNP).

Inawat ni Mayor Edgardo “Ediboy” S. Cobangbang, Jr. ti nasao a Pammadayaw iti imatang ti Pamilia-LGU iti dayta a gundaway.

Iti panagsarita ni Mayor Ediboy, kimmablaaw ken pinagyamananna   daytoy a naited manen a pammadayaw iti LGU-Cabugao. Innayonna a daytoy a nagun-od ti LGU-Cabugao  ket kolektibo a pannakigamulo iti nakaipuonanna ket maipaay ken agserbi a dayaw ti ili ken iti kaaduan iti nasao a gapuanan. # (Web In-Action)

No comments:

Post a Comment