Monday, April 6, 2015

PANAGDALUS KALPASAN TI SEMANA, NAARAMID

Cabugao, Ilocos Sur – Iti pannaki-amad ti Web In-Action iti Abril 6, 2015, impakaammo  ni Mr. Edgar S. Balangatan, AT/, MENRO Designate/ Clean and Green  Coordinator  a naideployen  dagiti agob-obra iti babaenda a nagikkat kadagiti Tarpaulin ken dadduma pay a wara a   maigapu iti kalepleppas  a selebrasion ti  Semana Santa: Marso 29-Abril 6, 2015.

Nupay kasta, insupusop ni Mr. Balangatan a madagdagus ti clearing ken   pannakadalus ti agsumbangir a paset ti Kalsada Nasional manipud Brgy. Sagayaden agingga iti Brgy. Pug-os agraman  dagiti Kalsada (Salomague  Bound ken  Cuancabal to Nagsincaoan Road) kasta metten  kadagiti lugar-pampubliko iti Poblasion (Parke, Plaza, Processional Route ken NISTC Public Market) tapno agtultuloy a nadalus ken napintas ti buya iti aglawlaw ti ili. 

Ti madagdagus nga aksion dagiti maseknan nga LGU Personnel para iti “Clean and Clearing Activities” apaman a  malpas dagiti dadakkel nga aktibidad ket paset ti panangipatungpalda  iti agtultuloy a direktiba ni Mayor Edgardo “Ediboy” S. Cobangbang, Jr.  iti  pannakamantener ti kinadalus ti aglawlaw iti Munisipalidad ken sanitasion para iti umili ken bumisita a Balikbayan iti ili ti Cabugao nangruna manen iti sumaruno a dakkel nga aktibidad: ti panagpiesta ti ili iti Abril 21-26, 2015. # (Web Situational Report)

No comments:

Post a Comment