Thursday, September 3, 2015

FEDERATED FARMER’S MEETING, NAANGAY

Cabugao, Ilocos Sur – Naangay ti Monthly Regular Meeting dagiti kameng ti Cabugao Federated Farmer’s Association idi Setiembre 1, 2015 iti 2nd Floor Municipal Building,  Cabugao, Ilocos Sur. Sigud a maang-angay kadagiti barangay a mangbukbukel ti Pederasion iti binulan a mitingda ket nakaeskediul met nga agmimitingda ita a Setiembre ditoy Munisipio.

Indauluan ni  Mr. Elmer G. Bromeo, Federated President dagiti nagmiting a Presidente ken timmulong ti pannakabagi ti DA-LGU babaen ken ni  Mr. Nathaniel B. Galamgam, Municipal Farmers’ Association Coordinator. Dagiti sumaganad a pakaseknan iti tinamingda:

1.Kangrunaan ket iti pannaikapasagepsep ti naan-anay a pannakaawat dagiti mannalon iti pakabuklan ti Philippine Crop Insurance Corporation (PCIC) tapno maliklikan ti tumaud nga isyu iti pakaseknan ti pannakaiseguro dagiti mulada a pagay ita a Wet Season 2015 (Hunio-Nobiembre).

2.Na-update dagiti Financial Assistance ti tunggal Asosasion ket napagnunumuan dagiti mayataday nga aksion kadagiti tumaud a problema kadagiti naipabulod  a puonan kadagiti mannalon.

3.Natratar pay dagiti pakaseknan ti asosasion, programa ken proyekto nga isaysayangkat ti DA-LGU kadagiti mannalon iti 33 a barangay ti Munisipalidad. # (Web In-Action)

No comments:

Post a Comment