Wednesday, September 2, 2015

FLAG CEREMONY TI SETIEMBRE 2015, PINADAYAWAN NI MAYOR EDIBOY TI SAPASAP

Cabugao, Ilocos Sur – Kalpasan ti Flag Ceremony iti Setiembre 1, 2015, kinablaawan ni Mayor Edgardo “Ediboy” S. Cobangbang, Jr. dagiti katinnarabayna nga Opisiales-Lokal ti Ili, Department/Section  Heads dagiti Opisina ti LGU  ken dagiti amin a Personnel a mangbukel ti Pamilia-LGU Cabugao iti nasayaat a panagrubuat/panangrugi ti panagtarabahoda iti umuna a Lunes ti Setiembre 2015.

Nangipaay ti Ama ti Ili iti pangablaaw para kadagiti Empleado a maselebraran ti panagkasangayna iti Setiembre 2015  ken nangibislin pay kadagiti  napateg a binatog a pagpampanunotan kadagiti padana a Public Servants sana  bininsa dagiti masanguanan nga aktibidad a maigannuat ditoy Munisipio.

Inulit ni  Mayor Ediboy a dinakamat ti nabiit pay a naawat ti LGU-Cabugao a pammadayaw manipud iti DILG nga isu ti prestihioso a “Seal of Good Local Governance!” Pinagyamananna ken binigbigna ti partisipasion iti sapasap para iti pannakagun-od daytoy a naindaklan a Pammadayaw iti LGU-Cabugao. # (Web In-Action)

No comments:

Post a Comment