Friday, December 22, 2017

CHRISTMAS PARTY TI BRGY. OFFICIALS, NAANGAY IDIAY BRGY. SABANG

Cabugao, Ilocos Sur – Naangay ti Christmas Party dagiti Opisiales ti   barangay ti Munisipalidad ti Cabugao, Ilocos Sur  nga idauluan ni ABC President Thaddeus  “Teddy”  U. Soller idiay Brgy. Sabang, Cabugao, Ilocos Sur  idi Disiembre 15, 2017.

Buklen dagiti nagpartisipar dagiti Opisiales ti Barangay ken Opisiales iti Ili nga idauluan ni Mayor Josh Edward S. Cobangbang.

Naluktan ti selebrasion babaen iti Ababa a Kararag. Impaay ni Brgy. Captain Thaddeus “Teddy”  U. Soller iti pammasangbay a balikas.

Nangted ti  Mensahena  ti Paskua ni Mayor Josh Edward  ket kimmablaaw ken nagyaman  kadaytoy a tinawen a  panagtitipon dagiti  barangay officials a mangselebrar ti Paskua. Impeksa ti Ama ti Ili iti ragsak ken ayatna a  makipagrambak  kadakuada. Innayon ti Alkalde Munisipal a kaduana ti Pamiliana a mangipeksa iti nabara a kablaaw para iti Naragsak ken Narambak a Paskua ken Nagasat a Baro a Tawen ti amin.

Nagatendar ni Pasado Mayor Edgardo “Ediboy” S. Cobangbang, Jr. kasta metten dagiti Konsehales ti ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Atty. Randy Baniaga G. Kinaud ken ni SBM Josefina S. Vallejo. # (Web In-Action)

No comments:

Post a Comment