Cabugao, Ilocos Sur – Nagun-od ti Salomague Elementary School ti proyekto a pannakaited ti baro a pasdek-pageskuelaan (2-Room School Building with 3 Comfort Rooms) babaen iti Public-Private Partnership School Infrastructure Project ti Department of Education (DEpED) ket maus-usaren daytoy a pageskuelaan iti agdama, segun ken ni Mrs. Rona Hadoc, maysa kadagiti mangisursuro iti Salomague Elementary School.
Segun ken ni Mr. Ronel M. Ubaldo, Head Teacher III iti nasao a pagadalan ket mairaman a pagyamananda unay ti LGU Cabugao nga idauluan ni Mayor Edgardo “Ediboy” S. Cobangbang, Jr. ta impaay ti Munisipio iti pannaka-back-fill/pannakasimpa ti nakaisaadan ti baro a pageskuelaan.
Innayon pay ni Mr. Ubaldo a babaen iti agtultuloy a pannakapasayaat ti pageskuelaanda ket kangrunaan a maisagut dagiti ubbing nga agbasbasa, dagiti nagannak ken ti komunidad ti Brgy. Salomague ken uray metten isuda a mangisursuro. # (Web In-Action)
No comments:
Post a Comment