Cabugao, Ilocos Sur – Maipabpabaro ti Philhealth Cards dagiti Benepisiario ti Pantawid Pamilyang Pilipino Propgram (4 Ps) ti ili a Cabugao, Ilocos Sur, segun ken ni DOH-Representative Ms. Beverly Ramos (San Juan, Cabugao, Sinait).Iti pannakiuman ti Web In-Action iti Marso 10, 2014, imbatad ti DOH Representative nga Member Data Registration (MDR) pay laeng ti madama a maup-date kadagiti 4 Ps Beneficiaries ngem mabalin daytoyen a mausarda no kasapulanda daytoy a Health Benefits manipud iti Gobierno Nasional. Innayon ni Ms. Ramos a naannayas ti pannakaipatungpal dagiti Health Programs ti DOH iti LGU-Cabugao nangruna iti Kalusugan Pangkalahatan iti naynay a pannakikoordinarda iti Cabugao Municipal Health Office nga idauluan ni Dr. Bernardino M. De Gracia, Medical Officer III, OIC Municipal Health Officer.
Segun met ken ni Dr. Bernardino M. De Gracia, OIC Municipal Health Officer a balligi dagiti programa gapu iti agtultuloy a suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. ket maar-aramid ti nasayud a koordinasion kadagiti barbarangay a maseknan a serbisiyuan ti DOH ken iti DSWD iti pannakaitandudo dagiti programada kas iti Kalusugan Pangkalahatan, Health Care and Education Program ti 4 P’s Beneficiaries, Supplemental Feeding Program ti Day Care Children, Operation Timbang ti Municipal Nutrition Committee Council.
Insupusop ni Dr. De Gracia a babaen iti naan-anay a panagkakammayet dagiti Ahensia a maseknan ket nadardaras a mataming dagiti pakaseknan dagiti umili iti benneg ti salun-at, edukasion, sanitasion ken nutrision kadagiti barangay. # (Web In-Action)
No comments:
Post a Comment