Cabugao, Ilocos Sur – Nagatendar da Mayor Edgardo “Ediboy” S. Cobangbang, Jr. ken ni Vice Mayor Deogracias Jose Victorino “DJ” H. Savellano iti maikatlo nga aldaw ken panagleppas ti Training ken Seminar ti Barangay Officials ti 11 a barangay ti ili a Cabugao, Ilocos Sur iti Parish Hall, Cabugao Catholic Church idi Pebrero 28, 2014.
Naaramid ti Ceremonial ti pannakaited ti Certificate of Completion ti 3-day seminar kadagiti nagpartisipar.
Nangited ni Mayor Ediboy ti Inspirational Message kadagiti nagseminar ket kimmablaaw ken nagyaman iti nakitana a gagar dagiti baro nga agserbi kadagiti barangay ket kalikaguman ti Ama ti Ili iti naregget a panagbibinnadang iti panagserbi kadagiti umili. Kasta met a dinakamat ni Mayor Ediboy iti pammadayaw a nagun-od ti LGU Cabugao a Kasiglatan nga Ili ti Ilocos Sur iti nagsaruno a daras. Innayonna a babaen iti panagtitinnulong dagiti Opisiales ti Barangay ket manayonan dagiti barangay a makisalip iti sumaruno a tawen. Iti kasta, agturong latta ti ili iti agtultuloy a panagdur-as ken panagsayaatna iti masanguanan.
Nangipaay met ti panagsarita ni Vice Mayor DJ Savellano. Kinablaawanna dagiti baro nga opisiales a katinnulonmg ti LGU Cabugao a mangipatungpal kadagiti pagsayaatan kadagiti kalugaranda iti barbarangay.
Nagatendar iti 3rd Day da Mr. Amado Tabin, LGOO ti ili ti Sinait ken Ms. Olive Guzman, DILG Ilocos Sur Provincial Staff iti maikadua nga aldaw ti nasao a seminar. # (Web In-Action)
No comments:
Post a Comment