Cabugao, Ilocos Sur – Naileppas ti tallo nga aldaw (Marso 5-7, 2014) a Training-Seminar: “Barangay Newly Elected Officials (BNEO) Program - Laying the Foundation for Grassroots, Renewal, Empowerment for Accountable and Transparent (GREAT) Barangays.” iti St. Mark the Evangelist Parish Hall, Cabugao Catholic Church, Cabugao, Ilocos Sur idi malem ti Marso 7, 2014.
Buklen dagiti maikatlo a Batch ti nagseminar ket dagiti Brgy. Officials iti Barangay Maradodon, Lipit, Marga-ay, Bungro, Rizal, Bonifacio, Namruangan, Turod, Salapasap, Salomague ken Nagsantaan.
Nasangaili ni Mayor Edgardo “Ediboy” S. Cobangbang, Jr. a kangrunaan nga Opisial a nangidaulo iti naangay a Ceremonial of Distribution of Certificates iti dayta a malem ti Marso 7, 2014 ket binayabay ni ABC President, Brgy. Captain Thaddeus U. Soller ti Liga ng mga Barangay-Cabugao a nangited kadagiti Certificate of Completion kadagiti Barangay Officials ti Barangay Turod nga idauluan ni Brgy. Captain Inocencio S. Sadac.
Iti Inspirational Message ni Mayor Ediboy, kimmablaaw ken nagyaman ta naregget ti gagar dagiti baro nga opisiales nga agsursuro para iti pannakapataray ti Gobierno dagiti barangay-da. Innayonna a natibker a “guidance” dagiti nagseminar iti inadalda a Good Governance. Mangnamnama ti Ama ti ili a babaen iti agtultuloy a nasayaat a panagipatungpal dagiti nagsanay nga Opisiales ket manaynayonan dagiti “good practice” a maipakpakat ket makikammayyetda met iti napardas a pagbaliwan ti lugarda ken iti ilida nga itultuloy latta dagiti sumarsaruno nga agserbi kadakuada kadagiti barangayda.
Nagpaay a Lecturers da Mr. Amado Tabin, MLGO Officer ti Sinait, Ilocos Sur kasta met ni Ms. Olive Guzman, MLGO Officer ti San Juan, Ilocos Sur ken timmulong met da MLGO Officer Constancia “Connie” L. Quinola, LGOO V ken ni Miss Marietta S. Cruz, Municipal Budget Officer ti LGU-Cabugao. # (Web In-Action)
No comments:
Post a Comment