Cabugao, Ilocos Sur - Kangrunaan ita nga ar-aramiden dagiti DA-LGU Personnel ket iti panagpatubo ti seedlings iti ikub ti Municipal Plant and Nursery, Brgy. Baclig, Cabugao, Ilocos Sur babaen iti panangiwardas ni Mr. Robert S. Savella, Municipal Plant and Nursery Coordinator.
Segun ken ni Mr. Savella, dagiti patubuenda a bukel ket iti Mahogany, Nim Tree ken Guapple (Bayabas) tapno adda pangsulnitda kadagiti maal-ala a seedlings kas iti al-alaenda a Love Tree dagiti agkakasar, makiddaw a seedlings a nayon dagiti nagyan ti Barangay Nursery tapno agtultuloy ti operasion ti Nursery a kas pangkomplementar ti “Clean and Green Program” ti Munisipio iti Cabugao.
Innayon ni Mr. Savella a kaduana nga agmulmula dagiti Job Order Personnel ti DA-LGU ken mangsibsibog kadagiti seedlings iti inaldaw nangruna ita a panawen ti tikag.
Dagitoy nga inisiatiba ket resulta ti agtultuloy a programa ti Gobierno Munisipal iti Reforestation nga idauluan ni Mayor Edgardo “Ediboy” S. Cobangbang, Jr. tapno mabalanse ti temperatura ti aglawlaw babaen iti pannakanayon dagiti pinuon ti kayo a naimula. # (Web In-Action)
No comments:
Post a Comment