Cabugao, Ilocos Sur – Madama a maar-aramid ti Slope Protection ti pangpang ti Brgy. Bonifacio Creek, Brgy. Bonifacio, Cabugao, Ilocos Sur.
Daytoy a proyekto ti Gobierno Munisipal ket nagtaud iti Calamity Fund ti Munisipio, segun ken ni Municipal Engineer Crescencio C. Formoso.
Manamnama nga iti pannakairingpas daytoy a proyekto ket sumaysayud ti ayus ti danum no panawen ti tudtudo ken maliklikan ti panagkurukor ti daga iti ampir ti waig.
Sakbayna, naigannuat ti pannaka-dredge (pannakakurob) ti lansad ti waig babaen iti makinaria ti Munisipio.
Pinagyamanan ni Brgy. Captain Valentin S. Tuyor, Jr. ti tulong ti LGU-Cabugao iti naynay a pannakaasikaso dagiti waig iti masakupanna. Iti pannakaaramid ti slope protection ket pimmintas ti buya ti masakupan daytoy a waig ken mayataday iti agtultuloy a programa ti Barangay a panagdaldalus kadagiti Creeks. # (Web In-Action)
No comments:
Post a Comment