MANNALON TI FFS-PEPPER, NAGTURPOSDA

Cabugao, Ilocos Sur – Naangay ti panagturpos dagiti 22  a mannalon (Farmer Cooperators) iti proyekto a napauluan: “Season-Long FARMERS’ FIELD SCHOOL on IPM for VEGETABLE (PEPPER) PRODUCTION” a nagbuligan nga inyimplimentar ti DA-RFO 1, San Fernando City, La Union nga idauluan ni Dr. Valentino C. Perdido, Ph. D., DA Regional Executive Director, ti OPAG-Ilocos Sur nga idauluan ni Mr. Teofilo  R. Quintal, Provincial Agriculturist ken ti LGU Cabugao nga idauluan ni Mayor Edgardo “Ediboy” S. Cobangbang, Jr. ken impatungpal dagiti Mannalon (Farmer-Cooperators)  ken  ti  DA-LGU Staff iti Barangay Dardarat, Cabugao, Ilocos Sur.

Naangay ti  Graduation Exercises  iti bigat ti Marso 6, 2014 iti Pavillion Building, Brgy.Dardarat, Cabugao, Ilocos Sur. Iti umuna a paset ti programa ket  naipakita ti resulta ti panagadal ken panagmulada ti sili babaen ken ni Mr. Sanny V. Silario, FFS Participant, Presentor. 

Kalpasan ti Invocation ken pannakakanta ti National Anthem ken ti Cabugao Hymn, naaramid ti panangited ti napateg nga Impression da Mr. Fermin S. Sesuca ken ni Mr. Maximo E. Silario, agpada nga  FFS Participant.

Nagtestimonia met ni Mr. Sherwin V. Garcia, FFS Cooperator. Kalpasan ti Intermission Number (Folk Media) babaen kadagiti FFS Graduates, nagmensahe ni Mr. Teofilo R. Quintal, Provincial Agriculturist ti Ilocos Sur Kimmablaaw ken pinagyamananna iti  agtultuloy a napintas a pannakikammayet ti LGU-Cabugao kadagiti programa/proyekto  ti OPAG-Ilocos Sur ken iti DA-RFO 1 kas kadaytoy a panagadal. Kinablaawan pay  ti DA Official dagiti nagturpos ken nangtarabay kadakuada nga Agricultural Technologists manipud iti LGU-Cabugao. 

Binagi ni Mrs. Ester P. Aguimbag, HVCDP Coordinator/FFS Facilitator ti 

nangiyam-ammo/nangipresentar  kadagiti Sangaili  ken nagpartisipar/aggraduar.

Kalpasan a naited dagiti Certificates, nag-Pledge of Graduates dagiti nagturpos babaen iti panangtarawidwid ni Miss Edith Castillo, Retired DA Official. Closing Remarks ni Municipal Agriculturist Zenaida S. Andrada. Nagpaay met  nga Emcee da Mrs. Joenah G. Sevilleja, AT,  ken ni  Kagawad John Paul S. Hadoc ti Barangay Dardarat. # (Web In-Action)