Cabugao, Ilocos Sur – Maar-aramid ti Branding, Deworming ken pannakabakuna dagiti animales/dinguen nga aso kadagiti barangay ti Munisipalidad babaen iti DA-LGU nga irepresentaran ni Dr. Melvyn G. Castro, DVM, Municipal Livestock Coordinator.
Iti Marso 7, 2014, naangay ti Branding, Deworming ken panagbakuna ti dinguen sadiay Barangay Dardarat iti bigat ken iti met Barangay Salomague, Cabugao, Ilocos Sur iti malem. Nangrugi ti nasaknap a trabahoda idi Marso 4, 2014 ket dua a barangay ti nakaeskediul a papanan dagiti pannakabagi ti DA-LGU iti inaldaw.
Sakbayna, naited iti LGU Cabugao dagiti kasapulan itoy a trabaho (Anti-Rabies/Livestock Vaccines) para iti Livestock manipud iti Provincial Veterinary Office, Vigan City iti panangidaulo ni Provincial Veterinarian Joey Warren A. Bragado, DVM kas paset ti Animal Care/Livestock Program ti Gobierno Probinsial nga idauluan ni Gov. Ryan Luis V. Singson.
Dagitoy nga aksion ken inisiatiba ket resulta iti napintek a programa ti Livestock ken pannakikammayet iti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno matulongan ti kasasaad dagiti mannalon iti pannakaital-o ti kasasaad ti panagbiagda. # (Web In-Action)
No comments:
Post a Comment