Cabugao, Ilocos Sur – Nagun-od manen ti Gobierno Lokal ti ili a Cabugao, Ilocos Sur iti tallo a napapateg a Pammadayaw gapu iti kinasaldetda a nagtrabaho ken nangideliber iti serbisio para iti kaaduan a nakabigbigan dagiti nagapuananda.
Indauluan ni Mayor Josh Edward S. Cobangbang a binayabay dagiti Opisiales ti ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Atty. Randy Baniaga G. Kinaud; SBM Josefina S. Vallejo; Municipal Nutrition Action Officer Jeanette Garcia; MSWD Officer Mrs. Lydia S. Gazmen; MDRRMC Officer Engr. Nestor B. Somera ken dagiti Department/Section Heads iti pannakaiyawat dagiti tanda ti pammadayaw iti imatang ti Pamilia-LGU kalpasan iti Flag Raising Ceremony iti Disiembre 11, 2017 iti sango ti Rizal Barangay Hall, Barangay Rizal, Cabugao, Ilocos Sur:
Dagiti sumaganad ti impakaammo ni HRM Officer Miss Mimie S. Sison a nagun-od ti LGU-Cabugao a Pammadayaw:
1.Certificate of Appreciation nga impaay ti Department of Health (DOH), National Nutrition Council, Regional Office 1 babaen iti suporta ken pannakikaysa ti LGU-Cabugao iti implementasion ti programa ti Nutrision.
2.Plake a nakailanadan ti Heroic Act (Group Category) nga impaay ti Regional Disaster Risk Reduction Management Council (RDRRMC), Region 1.
3.Plaque of Appreciation nga impaay ti Ilocos Sur Electric Cooperative, Inc. (ISECO), Santiago, Ilocos Sur iti LGU-Cabugao a “Prompt Payer Municipality” ken iti naan-anay a suportana iti programa ken pannakaidur-as ti elektripikasion iti lokalidad. # (Web In-Action)
No comments:
Post a Comment