Wednesday, December 27, 2017

PASKUA 2017, NARAMBAK A NASELEBRARAN!

Cabugao, Ilocos Sur – Narambak ti panagselebrar dagiti umili ti Cabugao, Ilocos Sur iti Paskua 2017 partikular kadagiti Aldaw ti Disiembre 24 ken 25, 2017 a kangrunaan a maselselebraran babaen iti sapasap a panagrambak iti nagduduma nga aktibidades a kas iti panag-reunion, panagtitipon/panagiinniliw  dagiti agkakabagian, panagpasiar iti sabali a lugar, panagpiknik kadagiti beaches ken resorts iti ili ken dadduma pay a kapadana  a kannawidan a mangipakita  iti naiget  a panagselebrar iti tradision ti Paskua a tanda ti  pannakaipasngay ti Mannubbot iti Sangkataw-an.

Idi rabii ti Disiembre 22, 2017, narambakan ti Christmas Party ti Pamilia-LGU ti Cabugao babaen iti panagrambak/panaglalanglang dagiti empleado ken Opisiales ti Gobierno Munisipal nga idauluan ni Mayor Josh Edward S. Cobangbang iti Cabugao Cultural and Sports Complex, Brgy. Rizal, Cabugao, Ilocos Sur.

Kabayatanna, iti “Rambak Kaaldawan Paskua” nga inggannuat ti Cabugao Catholic Church ket nakulminar babaen iti “Misa Rabii” (Midnight Mass) babaen iti panangidaulo ti LGU Cabugao, Parish Finance Council  ken ti Parish Pastoral Council.

Iti Disiembre 25, 2017 a “Kaaldawan  Paskua”, naangay  ti nasapa a Misa iti 6:30 A.M. nga indauluan ti Knights of Columbus ken Apostleship of Prayer ken simmaruno pay a Misa  nga indauluan ti SISAs iti Cluster I-IX a nagatendaran dagiti umili. # (Web Situational Report)

No comments:

Post a Comment