Cabugao, Ilocos Sur - Nainagorasionan ti Farm-to-Market Road (FMR) a madaliasatan iti Barangay Quezon, Cabugao, Ilocos Sur idi Disiembre 1, 2017.
Da Mayor Josh Edward S. Cobangbang ken ni Brgy. Captain Nida S. Braceros ti nanggetteng ti ribbon iti pannakapasayaat ti nasao a kalsada a binayabay dagiti Opisiales ti ili nga isuda ABC President Thaddeus U. Soller; SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo ken dagiti Opisiales ti Barangay Quezon.
Iti pannakiuman ti Web In–Action, kuna dagiti bumarangay ken dagiti agdaldaliasat kadaytoy a sumrekan a dalan iti Poblasion a manam-ayanda kadaytoy a pagdalananda.
Innayonda a pagyamananda unay iti LGU-Cabugao iti panangilungalongda kadagitoy nga agtultuloy a pagimbagan ti barangay ken iti sapasap.
Ti pannakapasayaat dagiti Farm-to-Market Roads (FMRs) iti Munisipalidad ket agtultuloy a programa ti Gobierno Munisipal nga idauluan ni Mayor Josh Edward S. Cobangbang. # (Web In-Action)
No comments:
Post a Comment