Cabugao, Ilocos Sur – Nakikaysa ni Mayor Josh Edward S. Cobangbang ket kaduana dagiti kameng ti BFP-Cabugao, PNP-Cabugao ken dagiti kameng ti Cabugao Cycling Club iti naaramid a “cycling around the town” babaen iti aktibidadda: “OPLAN PAALALA 2017-IWAS PAPUTOK” nga inyus-usuat dagiti kameng ti Fire Bikers ti BFP-Cabugao nga idauluan ni S/Insp. Elmer C. Acapuyan.
Idi Disiembre 28, 2017, immuna a nagtitipon dagiti Bikers iti asideg ti Rizal Barangay Hall ket ditoy ti nagrubuatanda a nangigannuat iti panagbisikletada iti aglikmut ti ili.
Sakbayna, inggannuaten ti Bureau of Fire Protection (BFP)-Cabugao ti kaipapanan ti “ Oplan Paalala-Iwas Paputok 2017” idi Disiembre 26, 2017 babaen kadagiti Cabugao Fire Bikers nga idauluan ni S/Insp. Elmer C. Acapuyan ket nagiwarasda iti Fire Safety Leaflets via Cycling a mangipromot pay iti pisikal a kinasalun-at kadagiti rinotada iti Barangay Baclig, Turod, Daclapan ken iti Sabang, Cabugao, Ilocos Sur. # (Web In-Action)
No comments:
Post a Comment