Cabugao, Ilocos Sur – Ti “Surfing” ket mayarig iti panangpaamo iti dalluyon! kuna ti maysa a Mannaniw. Naidumduma, pabulonam a luganan ken idusen ti dadakkel a palong, kuna ti maysa nga Ilokano a Surfer.
Maaramid manen daytoy a naisalumina nga sports babaen iti panangilungalong ti Department of Tourism (DOT); Provincial Government of Ilocos Sur; House of Representative ken ti LGU-Cabugao, Ilocos Sur kas pakauna nga aktibidad ti 3-Day Surfing National Competition babaen iti Philippine Surfer Federation manipud Disiembre 18-20, 2017 ket napilida iti kabaybayan ti Barangay Sabang, Cabugao, Ilocos Sur a pakaangayan iti panagsasalip iti Disiembre 19 ken 20.
Iti umuna nga aldaw, Disiembre 18, 2017, nairugi ti Surf Clinic Participants ket naisuro kadagiti adda potensialna nga ubbing daytoy nga sports iti basic.
Naan-anay met ti pannakitinnarabay dagiti kameng ti Konseho ti Barangay Pug-os; Philippine Coast Guard; Cabugao Rescue-WASAR; DepED-Cabugao; Philippine Red Cross ken kasta metten iti puersa ti Barangay Tanod/BPATS a katulongan ti kapolisan iti pannakaaywan ti linak ken talna dagiti nagbuya kasta metten dagiti pannakabagi ti LGU Cabugao.
Iti biang daytoy nga Sports, malagip a ni Ronald “Kido” Cabasug aka Kido Cabasug ti immuna a nangibuso/nagay-ayam ti Surfing iti Barangay Sabang babaen ti pannakigayyemna iti maysa a Turista nga Australiano a Surfer. Naisagutan idi agangay iti Surfing Board nga ines-estimarna agingga ita. Isu ti gapu a naipanagan ti Kiddo’s Point ti Barangay Sabang a disso a lumtuadan ken pagallikubengan dagiti kalalainganna ti kadakkel a dalluyon a maitutop iti ay-ayam a Surfing. # (Web In-Action)
No comments:
Post a Comment