Wednesday, December 27, 2017

LGU CHRISTMAS PARTY 2017, NARAGSAK A NASELEBRARAN!

Cabugao, Ilocos Sur – Naangay ti pannakaselebrar ti Christmas Party 2017 iti Local Government Unit (LGU- Cabugao) idi  karabiyan ti Disiembre 22, 2017 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti Empleado ken Municipal Officials nga idauluan ni Mayor Josh Edward S. Cobangbang. 

Sakbayna, nagatendar ti Pamilia-LGU iti naaramid a Nasantuan a Misa iti Cabugao Catholic Church. Naisaganad ti pannakaangay ti panagrambak iti Sports Complex. Kalpasan ti pannakaidaton ti Kararag ket naluktan ti programa. Nagkikinnablaaw ken nagyaman ti Pamilia LGU  a nagtitipon a nangrambak iti selebrasion ti pannakaiyanak ti Naindaklan a Mesias. 

Naaramid ti panangsango ti Pamilia-LGU iti naisagana a pagtaraon sakbay a naangay ti Parlor Games, Team Building  Presentations ken ti Raffle Draw a nangabakan dagiti nabunot a numero iti agkakapateg a premio.

Nag-mensahe ni Mayor Josh Edward S. Cobangbang. Kimmablaaw, nagyaman  ken dinayawna ti maipakpakita a kinaragsak ti  panagselebrar a   kangrunaan a napateg nga aramiden ken rambakan kadaytoy a panawen ti Paskua.

Nagyaman ti Ama ti Ili iti pannakaisagana daytoy a tinawen a panagselebrar.

Bininsa ti Ama ti Ili ti pateg ti panangiburay ti Sagut ita a Paskua a kas maysa a napateg a ramit iti panagkikinnaawatan para iti nakaysa a kagimongan nga umili ti Cabugao, Ilocos Sur.

Simmaruno ti pannakaipresentar iti sango  dagiti Empleado ti LGU-Cabugao  a nakagteng iti kapaut ti tawen iti serbisio a pinadayawan ti Civil Service Commission (CSC).

Indauluan ni Mayor Josh Edward a kaduana dagiti Opisiales ti Ili iti   nagbunot kadagiti na-raffle a numero a nakagun-odan dagiti nangabak nga LGU Personnel kadagiti   napapateg a Papremio.

Nakikaysa iti selebrasion da SBM Danny Q. Gazmen; SBM Dr. Jemaima S. Tan-Yee; SBM Vicky S. Serna; SBM SBM Josefina S. Vallejo; ABC President Brgy. Captain Thaddeus “Teddy” U. Soller; MPDC/Budget Officer Florante S. Jara; Municipal Engineer Crescencio Marcos C. Formoso; SB Secretary Maxfel S. Suboc ken dagiti amin a Department Heads/Section Chiefs ti LGU-Cabugao.  # (Web In-Action)

No comments:

Post a Comment