Cabugao, Ilocos Sur –Agtultuloy ti Supplemental Feeding Program kadagiti ubbing nga imatmatonan dagiti Child Development Workers (CDWs) kadagiti barangay iti Munisipalidad ti Cabugao.
Iturturong ni MSWD Officer Mrs. Lydia S. Gazmen dagiti Child Development Workers (CDWs) ken makonsultada maipapan iti pannakaidur-as ti nasao a programa ti MSWDO. Tinawen a maar-aramid daytoy a programa a para kadagiti ubbing ket inaldaw a maikkanda iti suplementar a pagtaraon babaen iti pannakaisagana kadagiti maluto a maipasango.
Kabayatanna, dinayaw ni Dr. Mark-Lawrence T. Tirao, OIC Municipal Health Officer dagitoy a gannuat ti MSWDO ken dagiti Child Development Workers tapno matulongan iti pannakapapigsa ti resistansia dagitoy nga ubbing ket matiped dagiti tumaud a saksakit a gubuayen iti panagbaliw ti klima. # (Web In-Action)
No comments:
Post a Comment