CABUGAO FEDERATED FARMERS, NAGSELEBRARDA ITI PASKUA 2017

Cabugao, Ilocos Sur  – Pinili dagiti Opisiales ti Cabugao Federated Farmers Association iti ili a Cabugao, Ilocos Sur  iti nagselebrar ti Christmas Program  2017 iti Disiembre 19, 2017 idiay Barangay Namruangan, Cabugao, Ilocos Sur.

Iti programa, panglukat a sarita ti inakem ni  Barangay Captain Robertson R. Gorospe. Inawisna ti amin nga adda pasetna nga agselebrar iti narambak a panagtitipon dagitoy ditoy barangay-da ket pakaidayawanda ta ditoy ti pinilida a pakaangayan ti selebrasion-da.

Pinagsapata ni Mayor Josh Edward dagiti baro nga opisiales ti Cabugao Federated Farmers Association iti imatang dagiti Opisiales ti Ili; Opisiales ti Barangay iti Namruangan; lumugar; sangaili ken dagiti Presidente ti Farmers Association a nagatendar.

Presidente – Modesto P. Ronque; Bise Presidente – Edgardo Celestino G. Sonido; Sekretaryo – Nona Lidia M. Tabaco; Treasurer – Joselino Carbonel; Auditor – Elmer G. Bromeo;  BODs – Demetrio Savellano; Harry Sonido; Arthuro Solis; Eugene Soclo; Pedro Salem; Roberto Sablay; ken ni Eustaquio Baclig.

Monitoring Team – Rema Lucero, Rogelio Barlolong, Anacleto Zabala ken ni Eddy Sevilleja. 

Iti Mensahe ni Mayor Josh Edward, kimmablaaw ken nagyaman ta maikkan met dagiti asosasion iti panawen a makikaysa kadagiti padada nga asosasion tapno mapabaro ti panaglalangenda ken mapatibker ti panagkaykaysada a tumulong iti panagdur-as ti sapasap. 


Nangted met ti Mensahena ni Aragan Brgy. Captain Modesto P. Ronque, incoming Federated Farmers President. Kimmablaaw ken nagyaman iti tanipkel dagiti padana nga Opisiales a makidanggay iti panagselebrar iti pannakayanak ti Mesias.

Naaramid ti Raffle Draw kas pangparagsak iti selebrasion ket naited dagiti agkakapateg a premio a kas iti TV sets ken Cash.

Nakikaysa iti nadakamat a selebrasion da Pasado Mayor Edgardo “Ediboy” S. Cobangbang, Jr. ken ni SBM Atty. Randy Baniaga G. Kinaud, Committee Chairman on Agriculture. 

Nagatendar met dagiti Staff Member ti Municipal Agriculture Office nga imbagian ni Mr. Nathaniel B. Galamgam, Federated Farmers Coordinator. 

Nagpaay nga Emcee da Ms. Nona Lidia M. Tabaco ken ni Ms. Rema Lucero.  # (Web In-Action)