Cabugao, Ilocos Sur – Naangay ti pannakai-turnover ti uppat (4) a Payao Projects kadagiti Recipients (4 nga Asosasion) idi Disiembre 1, 2017 iti Covered Court, Barangay Namruangan, Cabugao, Ilocos Sur.
Indauluan ni Mayor Josh Edward S. Cobangbang ti nadakamat a turnover ken inimatangan dagiti kameng ti Sangguniang Bayan nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo ken ni SBM Atty. Randy Baniaga G. Kinaud iti pannakaiyawat dagiti nadakamat a ramit-pagkalap (5 Rolls Set PP Rope ken Drums).
Daytoy nga aktibidad ket parte iti highlights ti selebrasion ti panagkasangay ti Ama ti Ili idi Disiembre 1, 2017.
Nakikaysa dagiti Opisiales ti nadakamat a Barangay ken Asosasion nga idauluan ni Brgy. Captain Robertson R. Gorospe a nangtarabay kadagiti kabarangayanda nga immawat iti proyekto. Nakikaysa met da Municipal Fisheries Coordinator Nereo S. Daproza ken ni Municipal Agriculturist Robert S. Savella iti Municipal Agriculture Office, LGU-Cabugao a mangtartarawidwid iti pannakaipatungpal ti Fisheries Program ditoy ili a Cabugao, Ilocos Sur.
Impeksa dagiti mabenepisiaran a mangngalap iti panagyamanda iti Gobierno Munisipal ti ili a Cabugao ta adda manen mainayon nga usarenda iti pamataudanda iti pagbiaganda. # (Web In- Action)
No comments:
Post a Comment