Cabugao, Ilocos Sur – Naangay ti Inauguration & Blessing ti PNP Police Assistance Center (Substation 2) iti Cabugao Municipal Police Station a naipasdek iti igid ti Kalsada Nasional, Barangay Sagayaden Sur, Cabugao, Ilocos Sur idi Disiembre 1, 2017 a nangkulminar iti selebrasion ti panagkasangay ni Mayor Josh Edward S. Cobangbang.
Indauluan ni Mayor Josh Edward ken ni PNP Cabugao Chief of Police, PSI Jeffrey P. Carbajosa iti pannakagetteng ti ribbon ken binendisionan ni Rev. Fr. Rex Rilveria, Assistant Parish Priest ti Roman Catholic Church ti ili a Cabugao, Ilocos Sur ti baro a pasdek ken inimatangan dagiti Opisiales ti Ili ken ti Barangay, Department Heads ti LGU-Cabugao, LGU-Employees ken dagiti lumugar ti Barangay Sagayaden iti nasao nga inagorasion.
Ti nadakamat a PNP-Substation ket kangrunaan a maserbisyuanna dagiti Barangay iti Sagayaden (Norte/Sur) Pila ken ti Cuancabal). # (Web In-Action)
No comments:
Post a Comment